الیکشن کمیشن کا منحرف اراکین کیخلاف آج فیصلہ نہ سنانے کا امکان

الیکشن کمیشن کا منحرف ارکان کا محفوظ فیصلہ آج نہ سنانے کا امکان،

الیکشن کمیشن نے منحرف اراکین پنجاب اسمبلی سے ریفرنسز کے فیصلے سے متعلق 18مئی کی کاز لسٹ میں تبدیلی کر دی

اسلام آباد (سوسائٹی نیوز)

الیکشن کمیشن نے پاکستان تحریک انصاف کے 25 منحرف ارکان پنجاب اسمبلی کے نااہلی ریفرنسز کے فیصلے سے متعلق 18 مئی کی کازلسٹ میں ردوبدل کردی۔

تفصیلات کے مطابق الیکشن کمیشن نے تحریکِ انصاف کے 25 منحرف ارکان پنجاب اسمبلی کے نااہلی ریفرنسز پر آج فیصلہ محفوظ کیا تھا، جسے کل دن 12 بجے سنانے کا اعلان کیا گیا تھا، تاہم اب اس میں تبدیلی کردی گئی ہے۔

الیکشن کمیشن کی کل کی کازلسٹ میں تبدیلی کرتے ہوئے منحرف ارکان کا کیس نکال دیا ہے۔ ذرائع الیکشن کمیشن کا کہنا ہے کہ یہ نہیں کہا تھا کہ کل فیصلہ سنایا جائے گا، کیس کو کسی وجہ سے کازلسٹ میں ڈال دیا گیا تھا۔

• ذرائع الیکشن کمیشن کا کہنا ہے کہ فیصلہ سنانے سے پہلے فریقین کو نوٹسز جاری کیے

  جائیں گے۔