امریکہ سے تجارت اور سرمایہ کاری میں مزید تعاون چاہتے ہیں۔ وزیراعظم شہباز شریف

امریکا سے تجارت اور سرمایہ کاری میں مزید تعاون چاہتے ہیں۔ وزیراعظم شہباز شرہف

 

اسلام آباد (سوسائٹی نیوز)

وزیر اعظم شہباز شریف کا کہنا ہے کہ امریکا سے تجارت، سرمایہ کاری اور انفارمینشن ٹیکنالوجی میں مزید تعاون چاہتے ہیں۔

 

وزیر اعظم شہباز شریف سے پاکستان میں تعینات کیے گئے نئے امریکی سفیر ڈونلڈ بلوم نے ملاقات کی اور سفارتی اسناد پیش کیں۔

 

ملاقات میں پاکستان اور امریکا کے مابین دو طرفہ تعلقات کو مزید وسعت دینے پر تبادلہ خیال اور وفود کی سطح پر رابطوں کے فروغ کی اہمیت پر زور دیا گیا۔ سفیر نے افغانستان سے انخلا میں معاونت پر پاکستان کے کردار کی تعریف کی۔

 

وزیر اعظم نے ملاقات میں کہا کہ امریکا سے تجارت، سرمایہ کاری اور انفارمینشن ٹیکنالوجی میں مزید تعاون چاہتے ہیں، دو طرفہ تعلقات میں فروغ سے افغان بحران پر قابو پانے میں مدد ملے گی۔

 

شہباز شریف نے کہا کہ بھارت مقبوضہ کشمیر میں انسانی حقوق کی خلاف ورزیوں میں ملوث ہے، خطے کے امن کا دارومدار مسئلہ کشمیر کے پُرامن حل میں ہے، مسئلہ کشمیر اقوام متحدہ کی قراردادوں کے تحت حل کیا جائے۔

 

ملاقات میں وزیر اعظم نے بھارت میں حمکران جماعت بھارتیہ جنتا پارٹی کے رہنماؤں کے توہین آمیز بیانات کی مذمت کی۔

مکمل پڑھیں

Leave a Reply

Your email address will not be published.

اہم ترین
Close
Back to top button