Trending

آئیے امن کو یقینی بنائیں، وزیراعظم شہباز شریف

مبارکباد دینےپر نریندر مودی کا شکریہ ادا کرتا ہوں،پاکستان بھارت کے ساتھ پرامن اور باہمی تعاون پر مبنی تعلقات چاہتا ہے،مقبوضہ جموں و کشمیر سمیت غیر معمولی تنازعات کا پرامن حل انتہائی ضروری ہے۔وزیراعظم

اسلام آباد ( سوسائٹی نیوز ) وزیراعظم شہباز شریف نے بھارتی ہم منصب نریندر مودی کی جانب سے مبارکباد دینے پر شکریہ ادا کیا،وزیراعظم شہباز شریف نے ٹویٹ میں کہا کہ وزارت عظمیٰ کا منصب سنبھالنے پر مبارکباد دینے کے لیے بھارتی وزیراعظم نریندر مودی کا شکریہ ادا کرتا ہوں۔انہوں نے مزید کہا کہ پاکستان بھارت کے ساتھ پرامن اور باہمی تعاون پر مبنی تعلقات چاہتا ہے۔مقبوضہ جموں و کشمیر سمیت غیر معمولی تنازعات کا پرامن حل انتہائی ضروری ہے۔دہشتگردی کے خلاف جنگ میں پاکستان کی قربانیوں سے پوری دنیا واقف ہے،آئیے امن کو یقینی بنائیں اور اپنی عوام کی معاشی اور سماجی ترقی پر توجہ دیں۔۔قبل ازیں بھارتی وزیر اعظم نریندر مودی نے پاکستان کے نو منتخب وزیر اعظم شہباز شریف کو ان کی حلف برداری کے چند منٹوں کے اندر ہی مبارکباد پیش کی اور کہا کہ بھارت دہشت گردی سے پاک خطے میں امن اور استحکام کا خواہاں ہے۔ گیارہ مارچ پیر کی رات کو مودی نے اپنی ایک ٹویٹ میں کہا میاں محمد شہباز شریف کو پاکستان کا وزیر اعظم منتخب ہونے پر مبارکباد پیش کرتا ہوں۔ بھارت دہشت گردی سے پاک خطے میں امن اور استحکام کا خواہاں ہے، تاکہ ہم اپنے ترقیاتی چیلنجوں پر توجہ مرکوز کر سکیں اور اپنے لوگوں کی فلاح و بہبود کو یقینی بنا سکیں وزارت عظمی کے عہدے پر انتخاب کے بعد گزشتہ روز ہی پارلیمان میں شہباز شریف نے اعتماد کا ووٹ حاصل کیا تھا۔342 رکنی پارلیمان میں انہیں 174 ووٹ ملے اور اس طرح اب پاکستان کا اقتدار ان کے ہاتھ میں ہے۔ شہباز شریف کے پاکستان کے وزیر اعظم بننے کے بعد، اب دو طرفہ تعلقات کے حوالے سے نئی دہلی کی نظر اسلام آباد، راولپنڈی اور لاہور میں ہونے والی پیش رفت پر مرکوز ہے۔ مبصرین کے مطابق اسے اب دو طرفہ سفارتی پیش رفت کی توقع ہے تاہم بھارت کا رویہ اس معاملے میں بہت محتاط ہے۔ بعض اعلیٰ حکومتی ذرائع کا کہنا ہے کہ پاکستان میں حکومت کی تبدیلی ایک نئے سفارتی آغاز کا پیش خیمہ ہو سکتی ہے اور اگر ایسا ہوا تو اس کے دور رس اثرات بھی مرتب ہو سکتے ہیں۔

مکمل پڑھیں

Leave a Reply

Your email address will not be published.

Back to top button