عمران خان کی 10مقدمات میں عبوری ضمانت میں توسیع

عمران خان کی 10 مقدمات میں عبوری ضمانتوں میں توسیع،

حاضری سے استثنی کی درخواست بھی منظور

 

اسلام آباد (سوسائٹی نیوز)

پی ٹی آئی چیئرمین عمران خان کو 10 مقدمات میں عبوری ضمانتوں میں توسیع مل گئی۔

 

اسلام آباد کی ڈسٹرکٹ سیشن عدالت میں لانگ مارچ کے دوران توڑ پھوڑ کے کیس کی سماعت ہوئی، عدالت نے عمران خان کی دس مقدمات میں عبوری ضمانتوں میں 21 جولائی تک توسیع کر دی، اور حاضری سے استثنیٰ کی درخواست بھی منظور کر لی۔

 

سابق وزیر اعظم کے خلاف درج مقدمات کی سماعت ایڈیشنل سیشن جج ایسٹ عبدالغفور کاکڑ نے کی، عدالت نے 5 مقدمات میں عمران خان کی عبوری ضمانتیں پانچ پانچ ہزار روپے مچلکوں پر منظور کیں۔

 

عمران خان آج بھی عدالت میں پیش نہیں ہوئے، ان کے وکیل ڈاکٹر بابر اعوان نے حاضری سے استثنیٰ کی درخواست دائر کی، جسے عدالت نے منظور کر لیا۔

 

یاد رہے کہ اسلام آباد کی مقامی عدالت نے سابق وزیر اعظم کو 14 مقدمات میں 18 جولائی تک عبوری ضمانت دے رکھی ہے، گزشتہ سماعت پر بھی سیکیورٹی خدشات کی وجہ سے عمران خان عدالت میں پیش نہیں ہوئے تھے۔

 

عمران خان کے خلاف تھانہ بہارہ کہو میں مقدمہ نمبر 501،500، لوہی بھیر میں مقدمہ نمبر 593، تھانہ کورال میں مقدمہ نمبر 1078 اور تھانہ سہالہ میں 462 نمبر مقدمہ درج ہے۔

مکمل پڑھیں

Leave a Reply

Your email address will not be published.

اہم ترین
Close
Back to top button