پاکستان دنیا میں امن مشن کیلئے فوج دینے والا دوسرا بڑا ملک ہے۔ آئی ایس پی آر

پاکستان دنیا میں امن مشن کیلئے فوج دینے والا دوسرا بڑا ملک ہے۔آئی ایس پی آر

 

راولپنڈی (سوسائٹی نیوز)

پاک فوج کے شعبہ تعلقات عامہ (آئی ایس پی آر) نے دنیا بھر میں یوم امن کے حوالے سے بیان جاری کرتے ہوئے کہا ہے کہ اقوام متحدہ آج دنیا بھر میں یوم امن منا رہی ہے، پاکستان دنیا میں امن مشن کیلئے فوج دینے والا دوسرا بڑا ملک ہے۔

 

آئی ایس پی آر نے تاریخ کا حوالہ دیتے ہوئے بتایا کہ پاکستان نے اقوام متحدہ امن مشن کے ساتھ اپنے سفر کا آغاز 1960 میں دستہ کانگو بھیج کرکیا، پچھلے 61 سال میں پاکستان قیام امن کے لیے سب سے نمایاں اور مسلسل تعاون کرنے والا ملک رہا، پاکستان نے اقوام متحدہ کے 46 امن مشنوں میں حصہ لیا، اور دنیا بھر میں اقوام متحدہ کے مشنز میں دولاکھ سے زائد فوجی بھیجے، جب کہ 169 پاکستانی فوجی جوان انسانیت کی مدد میں جانوں کا نذرانہ پیش کر چکے ہیں۔

 

آئی ایس پی آر کا کہنا تھا کہ اقوام متحدہ کے سیکرٹری جنرل انتونیو گٹریز نے پاکستان کا دورہ کر کے امن کی کوششوں کو سراہا، پاکستان کے امن دستوں کی پیشہ ورانہ صلاحیت نے ہر امن مشن میں کمانڈر کو بھی اپنا گرویدہ بنا دیا، پاکستانی امن دستوں میں ایف سی، رینجرز اور پولیس کے دستے بھی شامل ہیں۔

مکمل پڑھیں

Leave a Reply

Your email address will not be published.

Back to top button