گوجرانوالہ میں شہریوں نے موٹر سائیکل چوری کا الزام لگا کر نوجوان کو تشدد سے مار ڈالا

موٹر سائیکل چوری کا الزام لگا کر شہریوں نے نوجوان کو مار ڈالا

 

گوجرانوالہ (سوسائٹی نیوز)

گوجرانوالہ میں شہریوں نے موٹر سائیکل چوری کا الزام لگا کر نوجوان کی جان لے لی۔

 

ذرائع کے مطابق گوجرانوالہ کے تھانہ اروپ کے علاقے میں موٹرسائیکل چوری کے الزام میں عوام نے اپنی ہی عدالت لگالی اور نوجوان کو بہیمانہ تشدد کا نشانہ بنا ڈالا جس کی ویڈیو مںظرعام پر آگئی۔

 

ذرائع کا بتانا ہے کہ عوام کے تشدد سے نوجوان شدید زخمی ہوگیا بعدازاں شہریوں نے موٹرسائیکل سوار کو زخمی حالت میں پولیس کے حوالے کردیا پولیس اہلکار زخمی شخص کو بروقت اسپتال لے جانے کے بجائے تھانے لے گئے جہاں نوجوان محمد اشرف زخموں کی تاب نہ لاتے ہوئے دم توڑ گیا۔

 

سی پی او سید حماد عابد نے واقعے کا نوٹس لیتے ہوئے ایس پی سول لائن سے رپورٹ طلب کرلی۔

 

ذرائع کے مطابق پولیس نے تین نامزد ملزمان سمیت 14 افراد کو گرفتار کرکے واقعے کا مقدمہ درج کرلیا جبکہ غفلت برتنے پر اے ایس آئی وحید اللہ سمیت تین اہلکاروں کے خلاف بھی مقدمہ درج کیا گیا ہے۔

 

پولیس کا کہنا ہے کہ تحقیقات کے مطابق جاں بحق اشرف کا کوئی کرمنل ریکارڈ نہیں ہے۔

 

دوسری طرف ورثا نے واقعے کی تحقیقات کا مطالبہ کرتے ہوئے کہا ہے کہ اشرف بے قصور ہے ہمیں انصاف فراہم کیا جائے۔

مکمل پڑھیں

Leave a Reply

Your email address will not be published.

Back to top button