پی ٹی آئی کے مزید 35اراکین قومی اسمبلی کے استعفے منظور
پی ٹی آئی کے مزید 35اراکین قومی اسمبلی کے استعفے منظور
اسلام آباد (سوسائٹی نیوز)
اسپیکر قومی اسمبلی راجہ پرویز اشرف نے پاکستان تحریک انصاف کے مزید 35 ارکان کے استعفی منظور کر لیے۔ابتک پی ٹی آئی کے 80اراکین قومی اسمبلی کے استعفے منظور ہو چکے ہیں۔
اسپیکر قومی اسمبلی راجہ پرویز اشرف نے پی ٹی آئی کے جن اراکین قومی اسمبلی کے استعفے منظور کیے گئے ہیں ان میں جنید اکبر، عثمان ترکئی، مجاہد علی، ارباب عامر ایوب، عندلیب عباس، ملیکہ بخاری، حیدر علی خان، سلیم رحمٰن، صاحبزادہ صبغت اللّٰہ، محبوب شاہ، محمد بشیر، شیر اکبر خان، علی خان جدون، شیر علی ارباب، شاہد احمد، گل داد خان، ساجد خان، محمد اقبال خان، عامر محمود کیانی، فیض الحسن،شوکت علی، عمر اسلم خان، امجد علی خان، خرم شہزاد، فیض اللّٰہ، ملک کرامت کھوکھر، سید فخر امام، ظہور حسین قریشی، ابراہیم خان، طاہر اقبال، اورنگزیب خان، مخدوم خسرو بختیار، عبدالمجید خان، اسما قدیر اور منورہ بی بی کے استعفے بھی منظور ہوئے ہیں۔
اسپیکر قومی اسمبلی نے استعفے منظوری کے بعد مزید کارروائی کے لیے الیکشن کمیشن کو بھجوا دیے ہیں۔ واضح رہے کہ تحریک انصاف کے 34 ارکان سمیت شیخ رشید کا استعفیٰ پہلے ہی منظور کیا جا چکا ہے۔
