crossorigin="anonymous"> حکومت کا مہنگائی اور سیلاب میں ڈوبی عوام کو بجلی کا ایک اور بڑا جھٹکا - societynewspk

حکومت کا مہنگائی اور سیلاب میں ڈوبی عوام کو بجلی کا ایک اور بڑا جھٹکا

حکومت کا مہنگائی اور سیلاب میں ڈوبی عوام کو بجلی کا ایک اور بڑا جھٹکا

اسلام آباد (سوسائٹی نیوز)

 نیپرا نے بجلی مزید 4.34 روپے فی یونٹ مہنگی کردی، سی پی پی اے نے بجلی 4روپے 69 پیسے مہنگی کرنے کی درخواست کی تھی۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں چار روپےچونتیس پیسےفی یونٹ اضافے کی منظوری دےدی ۔

نیپرا کا کہنا ہے کہ یہ اضافہ جولائی کی ماہانہ ایڈجسٹمنٹ کی مد میں کیا گیا ہے تاہم تفصیلی فیصلہ بعد میں جاری ہوگا۔

 

حکام نے بتایا کہ میرٹ آرڈر کی خلاف ورزی سے7 ارب 42 کروڑ سے زائد کااضافی اور ایل این جی کی قلت سے 6 ارب 93 کروڑ روپے سے زائد کا بوجھ پڑا۔

سی پی پی اے نے بجلی 4 روپے 69 پیسے فی یونٹ مزید مہنگی کرنے کی درخواست کی تھی۔

سی پی پی اے کی درخواست میں کہا گیا تھا کہ جولائی میں پانی سے 35.17 فیصد جب کہ کوئلے سے 12.74 فیصد بجلی پیدا کی گئی، ڈیزل سے 1.46 فیصد اور فرنس آئل سے 6.42 فیصد بجلی پیدا کی گئی۔ مقامی گیس سے 10.36فیصد، درآمدی ایل این جی سے 14.98 فیصد اور جوہری ایندھن سے 14.20 فیصد بجلی پیدا کی گئی۔

سی پی پی اے کے مطابق ڈیزل سے پیدا بجلی کی لاگت 27 روپے 88 پیسے فی یونٹ رہی اور فرنس آئل سے 35 روپے 69 پیسے فی یونٹ بجلی پیدا کی گئی، ایل این جی سے پیدا بجلی کی لاگت 28 روپے 28 پیسے فی یونٹ رہی جب کہ جوہری ایندھن سے پیدا شدہ بجلی کی لاگت ایک روپے فی یونٹ رہی۔

خیال رہے کے الیکٹرک کی جولائی کے لیےتین روپے سینتالیس پیسے فیول ایڈجسٹمنٹ کی مد میں کم کرنے درخواست جمع کی ہے جبکہ سہ ماہی کیلئے چودہ روپے سے اوپر کا فیول ایڈجسٹمنٹ مانگا ہے۔

مکمل پڑھیں

Leave a Reply

Your email address will not be published.

Back to top button