عمران خان کے وارنٹ گرفتاری جاری،عمران خان گرفتاری سے بچنے کیلئے بنی گالا سے نامعلوم مقام پر منتقل۔ ذرائع
عمران خان کے وارنٹ گرفتاری جاری
اسلام آباد(سوسائٹی نیوز)
چیئرمین پاکستان تحریک انصاف ( پی ٹی آئی) عمران خان کے وارنٹ گرفتاری جاری کردیے گئے۔تھانہ مارگلہ کے علاقہ مجسٹریٹ نے خاتون مجسٹریٹ زیباچوہدری کو دھمکی دینے کے کیس میں سابق وزیراعظم عمران خان کے وارنٹ گرفتاری جاری کیے ہیں
وارنٹ گرفتاری تھانہ مارگلہ میں 20 اگست کو درج مقدمے میں جاری کیےگئے، مقدمے میں عمران خان کے خلاف دفعہ 504/506 اور 188/189 لگی ہوئی ہے،عمران خان کے خلاف تھانہ مارگلہ میں درج مقدمےکا نمبر 407 ہے۔مقدمے میں دفعہ 506 دھمکی آمیز بیان دینے پر درج کی گئی۔
ذرائع کے مطابق پولیس کی بھاری نفری عمران خان کی گرفتاری کیلئے بنی گالا روانہ ہو چکی ہے۔باوثوق ذرائع کیمطابق عمران خان گرفتاری سے بچنے کیلئے بنی گالا سے نامعلوم مقام پر منتقل ہو چکے ہیں۔
