crossorigin="anonymous"> وزیراعظم کے معاون خصوصی عطا تارڑ کے گھر پر پنجاب پولیس کا چھاپا - societynewspk

وزیراعظم کے معاون خصوصی عطا تارڑ کے گھر پر پنجاب پولیس کا چھاپا

وزیراعظم کے معاون خصوصی عطا تارڑ کے گھر پر پنجاب پولیس کا چھاپا

لاہور(سوسائٹی نیوز)

پنجاب پولیس نے وزیراعظم کےمعاون خصوصی عطا تارڑ کی رہائشگاہ پر چھاپا مارا ہے تاہم کوئی گرفتاری عمل میں نہ آسکی۔

تفصیلات کے مطابق پچیس مئی کے پرتشدد واقعات کے حوالے سے پولیس نے مسلم ن لیگ کے رہنما عطا تارڑ کے گھر جی تھری جوہرٹاؤن میں چھاپہ مارا۔

رپورٹ کے مطابق چھاپے کے دوران عطا تارڑ گھر پر موجود نہ تھے جب کہ چھاپے کے دوران کسی کو حراست میں نہیں لیا گیا۔

پولیس کے مطابق وزیراعظم کےمعاون خصوصی کو تفتیش کے لئے حاضری کا نوٹس بھجوایا گیا لیکن وہ پیش نہ ہوئے۔

واضح رہے کہ وزیراعلیٰ پنجاب چوہدری پرویز الہیٰ نے منصب سنبھالنے کے ساتھ حکم دیا تھا کہ پچیس مئی کو تشدد میں ملوث افراد کے خلاف فوری کارروائی عمل میں لائی جائے۔

اس سلسلے میں پنجاب پولیس میں بڑے پیمانے پر اکھاڑ پچھاڑ بھی کی جارہی ہے، اب تک صوبے کے ستر سے زائد افسران کے تبادلے کئے جاچکے ہیں۔

یاد رہے کہ پچیس مئی کو پی ٹی آئی کا لانگ مارچ روکا گیا، لانگ مارچ میں کارکنوں پر بہیمانہ تشدد بھی کیا گیا تھا۔

بعد ازاں پنجاب حکومت کی جانب سے پی ٹی آئی رہنماؤں اور کارکنوں کے خلاف مقدمات درج ہوئے تھے۔

مکمل پڑھیں

Leave a Reply

Your email address will not be published.

Back to top button