وزیراعلی پرویز الہی کا فلم انڈسٹری کی بحالی کیلئے لاہور میں جدید پروڈکشن سٹوڈیو اور جدید سینما کمپلیکس بنانے کا اعلان
- وزیراعلیٰ چودھری پرویز الٰہی سے فلم ڈائریکٹر، پروڈیوسر و رائیٹرسید نورکی ملاقات،فلم انڈسٹری کی بحالی کیلئے اقدامات پرتفصیلی تبادلہ خیال
وزیراعلیٰ کا فلم انڈسٹری کی بحالی کیلئے لاہور میں جدید پروڈکشن سٹوڈیوبنانے کا اعلان،جدید سینماکمپلیکس بھی بنے گا
ایران کے ادارے فارابی اورترکی کیساتھ مل کر فلم انڈسٹری کی بحالی کیلئے اقدامات کرینگے اور علیحدہ ادارہ قائم کرینگے:پرویزالٰہی
نوجوان فلم میکرز کو پروڈکشن کے نئے رجحانات کی ٹریننگ دلائی جائے گی،ٹیوٹا اداروں میں فلم ٹیکنیشن کے جدید کورسزمتعارف کرائینگے
لاہورکبھی آرٹ،کلچر اورفلم کا مرکزتھا،ن لیگ کی سابق صوبائی حکومت نے آرٹ، کلچر اورفلم کو بھی باقی شعبوں کی طرح تباہ کیا
ہماری حکومت لاہورکو دوبارہ آرٹ،کلچر اورفلم کامرکز بنائے گی، 1 ارب روپے سے آرٹسٹ انڈومنٹ فنڈ قائم کیا ہے
مستحق فنکاروں کیلئے مالی امداد 5 ہزار سے بڑھا کر 25 ہزار روپے کر دی ہے،فلم پروڈکشن میں اضافے سے روزگار کے مواقع پیدا ہونگے
چودھری پرویزالٰہی آرٹ اورکلچر سے محبت رکھتے ہیں، فلم انڈسٹری کی بحالی کیلئے ان کے اقدامات خوش آئند ہے:سید نور
لاہور (سوسائٹی نیوز)
وزیراعلیٰ پنجاب چودھری پرویز الٰہی سے آج وزیراعلیٰ آفس میں فلم ڈائریکٹر،پروڈیوسر و رائیٹرسید نورنے ملاقات کی،جس میں فلم انڈسٹری کی بحالی کیلئے اقدامات پرتفصیلی تبادلہ خیال کیاگیا۔وزیراعلیٰ چودھری پرویزالٰہی نے فلم انڈسٹری کی بحالی کیلئے لاہور میں جدید ترین پروڈکشن سٹوڈیوبنانے کا اعلان کرتے ہوئے کہا کہ لاہور میں جدید سینماکمپلیکس بھی بنایا جائے گا۔ایران کے ادارے فارابی اورترکی کے ساتھ مل کر فلم انڈسٹری کی بحالی کیلئے فوری اقدامات کریں گے۔ایرانی اورترکش فلم میکرزکی معاونت سے فلم انڈسٹری کو بحال کیا جائے گا۔جس طرح ایران اور ترکی میں علیحدہ ادارے قائم کر کے فلم انڈسٹری کو بحال کیاگیا،اسی طرح کا ادارہ پنجاب میں بھی قائم کیا جائے گا۔ انہوں نے کہاکہ نوجوان فلم میکرز کو پروڈکشن کے نئے رجحانات کی ٹریننگ دلائی جائے گی۔ٹیوٹا کے اداروں میں فلم ٹیکنیشن کے جدید کورسزمتعارف کرائیں گے۔
انہوں نے کہاکہ لاہورکبھی آرٹ،کلچر اورفلم کا مرکزتھا۔ن لیگ کی سابق صوبائی حکومت نے آرٹ، کلچر اورفلم کو بھی باقی شعبوں کی طرح تباہ کیا۔ہماری حکومت لاہورکو دوبارہ آرٹ،کلچر اورفلم کامرکز بنائے گی۔ پاکستانی فلم کی بحالی کیلئے ترجیحی بنیادوں پر اقدامات کئے جائیں گے۔ انہوں نے کہاکہ فنکاروں کی فلاح وبہبود کیلئے 1 ارب روپے سے آرٹسٹ انڈومنٹ فنڈ قائم کیا گیا ہے۔مستحق فنکاروں کے لئے مالی امداد 5 ہزار سے بڑھا کر 25 ہزار روپے کر دی ہے۔عوام کو معیاری تفریح کی فراہمی کے لئے ہر ممکن اقدامات کئے جائیں گے۔فلم پروڈکشن میں اضافے سے روزگار کے مواقع پیدا ہوں گے۔پنجاب فن و ثقافت کے لحاظ سے زرخیز دھرتی ہے۔
سید نور نے کہاکہ فلم انڈسٹری کی بحالی کیلئے وزیراعلیٰ چودھری پرویز الٰہی کے اقدامات خوش آئند ہے۔چودھری پرویزالٰہی آرٹ اورکلچر سے محبت رکھتے ہیں۔چودھری پرویزالٰہی کے مقامی فلم انڈسٹری کی بحالی کیلئے اقدامات کو قدر کی نگاہ سے دیکھتے ہیں۔سیکرٹری اطلاعات آصف بلال لودھی،پریس سیکرٹری وزیراعلیٰ اقبال چودھری،ڈی جی پی آر راؤ پرویزاختر بھی اس موقع پر موجود تھے۔
