وزیر اعلی پنجاب چوہدری پرویز الہی کا نشتر ہسپتال کی چھت پر لاشیں پھینکنے کے واقعہ کا سخت نوٹس، صوبائی سیکرٹری سپیشلائزڈ ہیلتھ کیئر اینڈ میڈیکل ایجوکیشن سے رپورٹ طلب

لاہور (سوسائٹی نیوز)

وزیراعلیٰ پنجاب چودھری پرویز الٰہی نے نشتر ہسپتال، ملتان میں چھت پر لاوارث لاشوں کو  پھینکنے کے واقعہ کا سخت نوٹس لیتے ہوئے
صوبائی سیکرٹری سپیشلائزڈ ہیلتھ کیئر اینڈ میڈیکل ایجوکیشن سے رپورٹ طلب کر لی۔

چودھری پرویز الٰہی نے کہا کہ لاشیں چھت پر پھینک کر غیر انسانی فعل کا ارتکاب کیا گیا ہے۔
لاشوں کی بے حرمتی کا واقعہ ناقابل برداشت ہے۔
کسی بھی معاشرے میں ایسے واقعہ کی کوئی گنجائش نہیں۔

 چودھری پرویز الٰہی نے کہا کہ چھت پر لاوارث لاشوں کو پھینکنے کا واقعہ انسانیت کی تضحیک ہے۔
انکوائری جلد مکمل کرکے ذمہ دارو ں کا تعین کیا جائے اور کڑی سزا دی جائے۔