سابق صدر پاکستان جنرل (ر) پرویز مشرف کا انتقال
سابق صدر پاکستان جنرل( ر) پرویز مشرف کا انتقال
دبئی (سوسائٹی نیوز)
سفارتی ذرائع کے مطابق سابق صدر پاکستان جنرل ریٹائرڈ پرویز مشرف انتقال کر گئے ہیں۔
سابق صدر پرویز مشرف کا انتقال امریکن ہسپتال دبئی میں ہوا جہاں وہ کافی عرصہ سے زیرعلاج تھے۔
سابق صدر جنرل ریٹائرڈ پرویز مشرف طویل علالت کے بعد 79 برس کی عمر میں دبئی میں انتقال کر گئے۔
پرویز مشرف نے 1999 میں ملک میں مارشل لاء لگا کر چیف ایگزیکٹو کا عہدہ سنبھالا تھا اور وہ 2001 سے 2008 تک صدر پاکستان کے عہدے پر براجمان رہے۔
سابق صدر کا خاندان 1947 میں نئی دہلی سے کراچی منتقل ہوا تھا۔ پرویز مشرف 1964 میں پاکستانی فوج میں شامل ہوئے، وہ آرمی اسٹاف اینڈ کمانڈ کالج کوئٹہ کے گریجویٹ تھے۔
