لیجنڈ اداکار قوی خان کا کینیڈا میں انتقال
لیجنڈ اداکار قوی خان کا کینیڈا میں انتقال
ٹورنٹو (سوسائٹی نیوز)
لیجنڈ اداکار قوی خان 80 برس کی عمر میں کینیڈا میں انتقال کر گٸے ہیں۔ وہ کینسر کے مرض میں مبتلا تھے ۔قوی خان کو ہارٹ اٹیک ہوا جو جان لیوا ثابت ہوا۔
محمد قوی خان 15 نومبر، 1942 کو پشاور برطانوی ہندوستان (موجودہ پاکستان) میں پیدا ہوئے۔ انہوں نے فنی زندگی کا آغاز ریڈیو پاکستان سے کیا۔ کم عمری میں چائلڈ ایکٹر کے طور پر ریڈیو پاکستان کے ڈراموں سے کام شروع کیا۔
1964ء میں جب لاہور میں پاکستان ٹیلی وژن کا آغاز ہوا تو انہیں اس کے پہلے ڈرامے “نذرانہ” میں کام کرنے کا اعزاز حاصل ہوا۔ اس کے بعد انہوں نے لاتعداد سیریلز، سیریز اور انفرادی ڈراموں میں کام کیا جن میں اندھیرا اجالا ، فشار، لاہوری گیٹ، دو قدم دور تھے، مٹھی بھر مٹی، من چلے، میرے قاتل مرے دلدار، پھر چاند پہ دستک، در شہوار، بیٹیاں، داستان، ایک نئی سنڈریلا اور ڈاکٹر دعاگو کے نام سرفہرست ہیں۔
قوی خان نے ڈرامہ سیریل اندھیرا اجالا سے نام کمایا اور ایماندار پولیس آفیسر کی حیثیت سے اداکاری کے بہترین جوہر دکھائے۔
قوی خان نے 200 سے ذائد فلموں اور لاتعداد ٹی وی ڈراموں میں کام کیا ہے۔ان کے مشہور ٹی وی ڈراموں میں اندھیرا اجالا، دو قدم دور تھے، لاہوری گیٹ، مٹھی بھر مٹی، من چلے کا سودا، میرے قاتل، میرے دلدار، پھر چاند پہ دستک، در شاہوار، زندگی دھوپ تم گھنا سایہ، صدقے تمہارے، تم کون پیا، سہلیاں، نظر بد اور الف اللہ اور انسان شامل ہیں۔
ان کی چند شہرہ آفاق فلموں میں محبت زندگی ہے، سوسائٹی گرل، چن سورج، سرفروش، کالے چور، زمین آسمان، رانگ نمبر، مہر النساء اور پری شامل ہیں۔
وہ پاکستان ٹیلی وژن کی پہلے اداکار تھے جنہیں صدارتی تمغہ برائے حسن کارکردگی سے نوازا گیا۔ یہ اعزاز انہیں 14 اگست، 1980ء کو ملا۔ بعد ازاں انہیں ستارہ امتیاز سے بھی سرفراز کیا گیا۔
محمد قوی خان پی ٹی وی ایوارڈ اور ریڈیو پاکستان اور پاکستان ٹیلی وژن کے لائف اچیومنٹ ایوارڈ بھی حاصل کر چکے ہیں۔
انہوں نے کئی فلموں میں بھی کام کیا اور تین نگار ایوارڈز بھی حاصل کیے۔
پی ٹی وی ایوارڈ اورریڈیو پاکستان اور پاکستان ٹیلی وژن کے لائف اچیومنٹ ایوارڈ بھی حاصل کرچکے ہیں۔
حال ہی میں آرٹس کونسل آف پاکستان کراچی میں اپنی فنی خدمات کے نتیجے میں اعتراف کمال ایوارڈ بھی حاصل کرچکے ہیں
1980ء – صدارتی تمغا برائے حسن کارکردگی- حکومت پاکستان
2012ء – ستارہ امتیاز- حکومت پاکستان
2007ء – لائف ٹایم اچیومنٹ ایوارڈ – پاکستان ٹیلی وژن
بہترین اداکار – پاکستان ٹیلی وژن
لائف ٹایم اچیومنٹ ایوارڈ – ریڈیو پاکستان
1969ء – نگار ایوارڈ
1976ء – نگار ایوارڈ
1978ء – نگار ایوارڈ
آج کینیڈا میں مختصر علالت کے بعد انکا انتقال ہوگیا۔
