ممی نے چوری کی ہے،تین سالہ بچہ ماں کیخلاف شکایت لیکر تھانے پہنچ گیا،وڈیو وائرل
’ممی نے چوری کی‘ تین سالہ بچہ تھانے پہنچ گیا، ویڈیو وائرل
مدھیہ پردیش(سوسائٹی نیوز)
بھارت میں تین سالہ بچہ اپنی ماں کے خلاف شکایت لے کر تھانے پہنچ گیا جس کی ویڈیو وائرل ہوگئی۔
بھارتی میڈیا رپورٹس کے مطابق ریاست مدھیہ پردیش میں تین سال کا بچہ اپنی ماں کے خلاف شکایت لے کر تھانے پہنچ گیا۔ بچے نے تھانے کے عملے سے ماں کی شکایت کرتے ہوئے کہا کہ وہ ٹافیاں چرا لیتی ہیں کھانے بھی نہیں دیتیں اس لیے انہیں گرفتار کیا جائے۔
تین سال کے صدام کو اس کے والد ضد کرنے پر تھانے لے کر پہنچے تو تھانے کا عملہ اتنے کم عمر شکایت لے کر آنے والے کو دیکھ کر حیران رہ گیا۔
بچے نے خاتون سب انسپکٹر کو اپنی والدہ کے خلاف شکایت درج کرائی اور انہیں گرفتار کرنے کا کہا۔
خاتون افسر نے بچے کو پیار کیا اور جھوٹ موٹ اس کی شکایت درج کرکے ایک کاغذ پر باقاعدہ دستخط بھی کروائے۔
अम्मी ने 3 साल के बच्चे की चॉकलेट छुपाई तो बच्चा FIR कराने थाने पहुंच गया।
थाने पहुंच कर उसने कहा मम्मी ने मेरी टॉफी चुरा ली।
वीडियो MP के बुरहानपुर का। pic.twitter.com/pswNYlTkgb
— काश/if Kakvi (@KashifKakvi) October 17, 2022
پولیس افسر نے بچے کو یقین دہانی کرائی کے اس کی ماں کوگرفتار کرلیا جائے گا۔ ماں کے خلاف تھانے پہنچنے والے بچے کی ویڈیو سوشل میڈیا پر وائرل ہوگی۔
سوشل میڈیا صارفین کی جانب سے بچے کی انوکھی شکایت پر دلچسپ تبصرے کیے جارہے ہیں۔
