لانگ مارچ اور دھرنوں کی سیاست کی بجائے عوامی خدمت کو ترجیح دی جائے تاکہ ملکی معیشت کو سہارامل سکے۔ شیخ جاوید اختر
ملتان( سوسائٹی نیوز )
مرکزی تنظیم تاجران جنوبی پنجاب کے صدر شیخ جاوید اختر نے کہا ہے کہ ملک پہلے ہی بحران در بحران کا شکار ہے مزید بحرانوں کا متحمل نہیں ہو سکتا۔حکومت سمیت کوئی سیاسی جماعت معیشت کی بحالی کے لئے سنجیدہ نہیں ہے جس کی وجہ سے آج غریب غریب تر ہوتا جارہا ہے یہاں تک کہ سفید پوش طبقہ بھی مہنگائی کے باعث پس کر رہ گیا ہے۔
لانگ مارچ، دھرنوں کی سیاست کی بجائے عوامی خدمت کو ترجیح دی جائے تاکہ ملکی معیشت کو سہارا مل سکے ورنہ آنے والے دنوں میں مزید مسائل سے دوچار ہو نا پڑے گا۔
انجمن تاجران کچہری روڈ کے نومنتخب چیئرمین سردار اسلم جاوید گنڈاپور،صدر اصغر راحیل قریشی،جنرل سیکرٹری شیخ فیصل نے کہا ہے کہ تاجر برادری نے ہم پر جس اعتماد کا اظہار کیا انشاء اللہ تعالیٰ کچہری روڈ کی تاجر برادری کے مسائل کے حل کے لیے تمام تر صلاحیتیں بروئے کار لائیں گے اور تاجر برادری کے مسائل کے حل کے آ واز حکام بالا تک پہنچائیں گے۔
ان خیالات کا اظہار انہوں نے گزشتہ روز صرافہ بازار کے تاجر رہنما شیخ علی ارسلان کی جانب سے نومنتخب بلامقابلہ کامیاب ہونے والے نومنتخب عہدیداران کے اعزاز میں دیئے کیے استقبالیہ سے خطاب میں کیا جس میں مہمان خصوصی مرکزی تنظیم تاجران جنوبی پنجاب کے صدر شیخ جاوید اختر،برگیڈیئر (ر) میاں مقصود قریشی،انجمن تاجران کچہری روڈ کے سرپرست اعلی راجہ عبدالغفار،مرکزی تنظیم تاجران ملتان شہر کے جنرل سیکرٹری مرزا نعیم بیگ، سمیت وا ئس چیئرمین عمران بھٹہ، سنیئر نائب صدرعبدالودود خان، فنانس سیکرٹری خواجہ محمد شعیب، نائب صدر اول سید محمد رحمان شاہ،نائب صدر جمشید بھٹہ،نواب ہاشمی،چوہدری فرحان،سیکرٹری نشرواشاعت بابر علی،آفس سیکرٹری چوہدری زاہد کے علاوہ دیگر نے بڑی تعداد میں شرکت کی۔
اس موقع پر شیخ جاوید اختر نے کہا کہ مرکزی تنظیم تاجران انہیں بلامقابلہ منتخب ہونے پر مبارکباد پیش کرتی ہے اور انجمن تاجران کچہری روڈ کے ہم شانہ بشانہ کھڑے ہیں جن تاجروں نے آپ کو بلامقابلہ منتخب کیا بلاتفریق تمام تاجران کے مسائل کے حل کے لیے کردار ادا کریں مرکزی تنظیم تاجران ہرممبر ایک سپاہی کی طرح آپ کے ساتھ کھڑا ہے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملتان۔انجمن تاجران کچہری روڈ کے نومنتخب عہدیداران کے اعزاز میں صرافہ بازار کے تاجر رہنما شیخ علی ارسلان کی جانب سے دیئے کیے استقبالیہ سے مرکزی تنظیم تاجران جنوبی پنجاب کے صدر شیخ جاوید اختر،برگیڈیئر (ر) میاں مقصود قریشی،راجہ عبدالغفار،سردار اسلم جاوید گنڈاپور، اصغر راحیل قریشی،شیخ فیصل،شیخ علی ارسلان، مرزا نعیم بیگ، ودیگر خطاب کررہے ہیں
