ریڈیو پاکستان ملتان آج اپنی 52ویں سالگرہ منا رہا ہے
ملتان (سوسائٹی نیوز)
ریڈیو پاکستان ملتان آج 21نومبر کو اپنی باون ویں سالگرہ منا رہا ہے۔اس سلسلے میں سالگرہ کی مناسبت سے کئی رنگا رنگ پروگرام ترتیب دیے گئے ہیں ۔جو دن بھر مختلف اوقات میں نشر کیے جائیں گے ۔
سالگرہ کا پہلا پروگرام کرن سویر پرڈیوسر نسرین فرید پیش کریں گی۔اس پروگرام میں مزاحیہ فیچر ٫جنگل میں منگل ، نشر کیا جائے گا ۔اس کے علاؤہ مختلف دانشوروں ،ادیبوں،اہل قلم،آرٹسٹوں اور نامور شخصیات کے سالگرہ پیغامات نشر کیے جائیں گے ۔اور سامعین کی پسند کی دلکش موسیقی بھی آن ائیرکی جائے گی۔
سالگرہ کے موقع پر دن بارہ بجکردس منٹ پر پروڈیوسر اطہر لطیف اور سدرہ احمد گرینڈ میوزیکل شو پیش کریں گے۔اس موقع پر نامور فنکار اپنے فن کا مظاہرہ کریں گے۔سابق ڈائریکٹر جنرل ریڈیو پاکستان ملتان خورشید احمد ملک اس موقع پر مہمان خصوصی ہو نگے۔اس کے علاؤہ اناؤنسر ،کمپئیر،ارجیز، ڈی جیز ،اور افسران کے تاثرات نشر کیے جائیں گے ۔ عمرانہ سلمان،زاہدہ سہیل، اور حسن علی ٹیپو شو میں کمپئرنگ کی زمہ داری نبھائیں گے۔
شام سات بجکر دس منٹ پر پروگرام جمہور دی آواز میں پروڈیوسر جاوید نزیر کی پشکش میں خصوصی فیچر نشر ہو گا۔”چاچے گاموں دی بیٹھک”اس کے علاوہ سامعین کے تاثرات نشر کیے جائیں گے ۔
ان پروگراموں کے نگران اعلیٰ شاھد امین،اور نگران ریاض میلسی اور جعفر بلوچ ہوں گے۔
