معروف قانون دان لطیف آفریدی قاتلانہ حملے میں جاں بحق
معروف قانون دان لطیف آفریدی قاتلانہ حملے میں جاں بحق
پشاور (سوسائٹی نیوز)
معروف قانون دان و سابق صدر سپریم کورٹ بار ایسوسی ایشن عبداللطیف آفریدی قاتلانہ حملے میں جاں بحق ہو گئے۔فائرنگ کا واقعہ پشاور ہائیکورٹ کے بار روم میں پیش آیا جس میں سینئر وکیل لطیف آفریدی شدید زخمی ہوگئے تھے۔
لطیف آفریدی پر فائرنگ کا واقعہ پشاور ہائیکورٹ کے بار میں پیش آیا جہاں بار کے احاطے میں ان پر فائرنگ کی گئی جس میں سینئر وکیل لطیف آفریدی شدید زخمی ہوئے جنہیں تشویشناک حالت میں اسپتال منتقل کیا گیا تھا جہاں وہ جانبر نہ ہوسکے۔
لیڈی ریڈنگ اسپتال انتظامیہ نے لطیف آفریدی کے جاں بحق ہونے کی تصدیق کردی ہے۔
پولیس کے مطابق عبدالطیف آفریدی کو 6 گولیاں لگیں اور ان پر فائرنگ کرنے والے عدنان نامی شخص کو موقع پر ہی گرفتار کرلیا گیا ہے۔
