اسلام آباد ائیر پورٹ کا نام دوبارہ شہید بینظیر بھٹو ائیرپورٹ رکھنے کی نوابزادہ افتخار احمد خان کی قراداد قومی اسمبلی میں کثرت رائے سے منظور
اسلام آباد (سوسائٹی نیوز)
قومی اسمبلی میں اسلام آباد ائیرپورٹ نام دوبارہ شہید بینظیر بھٹوائیرپورٹ رکھنے کی قرارداد اکثریت سے منظور ہوگئی۔
آج قومی اسمبلی کے مشترکہ اجلاس میں ایم این اے نوابزادہ افتخار احمد خان انفارمیشن سیکرٹری پاکستان پیپلزپارٹی جنوبی پنجاب اور معاون خصوصی وزیراعظم پاکستان برائے امور کشمیر اور گلگت بلتستان نے اسلام آباد ایئر پورٹ کا نام دوبارہ شہید بینظیر بھٹو کے نام سے منسوب کرنے کی قرارداد پیش کی، جسے کثرت رائے سے منظور کر لیا گیا ہے۔
نوابزادہ افتخار احمد خان نے کہا کہ انشاءاللہ بہت جلد دوبارہ یہ نام انٹرنیشنل ایئرپورٹ پر چمکتا نظر آئے گا۔
واضح رہے کہ پی ٹی آئی کے گزشتہ دور حکومت میں اس ائیرپورٹ کا نام شہید بینظیر بھٹو سے تبدیل کرکے اسلام آباد ائیرپورٹ رکھا گیا تھا۔
