اسپیکر پنجاب اسمبلی نے ن لیگ کے 18 اراکین اسمبلی کو معطل کرکے اسمبلی میں داخلے پر پابندی لگا دی
لاہور( سوسائٹی نیوز)
اسپیکر پنجاب اسمبلی سردار سبطین خان نے مسلم لیگ ن کے 18 ارکان صوبائی اسمبلی کو معطل کر دیا ہے۔تفصیلات کے مطابق اسپیکر نے مسلم لیگ ن کے ارکان پر پندرہ نشستوں کے لیے ایوان میں داخلہ کی پابندی عائد کر دی ہے۔
میاں عبدالروف، سمیع اللہ خان، ملک محمد وحید، عظمی بخاری کو اجلاس کی پندرہ نشستوں میں شرکت کے لئے معطل کیا گیا ہے۔اس کے علاوہ صبا صادق، راحیلہ خادم حسین، ربعیہ نصرت، رابعہ فاروقی، زیب النسا اعوان، ذیشان رفیق، کنول لیاقت ایڈوکیٹ، گلناز شہزادی، نفیسہ امین، محمد افضل، عادل بخش، سعدیہ ندیم، راحت افزا، سنبل مالک حسین بھی معطل کردیے گئے ہیں۔
واضح رہے کہ اجلاس میں سابق وزر اعلیٰ پنجاب سردار عثمان بزدار کی جانب سے عمران خاں کو نااہل کرنے پر الیکشن کمیشن کے خلاف قرارداد پیش کر رہے تھے کہ متلعقہ اراکین اسمبلی نے قرار داد پیش کرنے کے دوران تحریک انصاف کی قیادت کے خلاف نازیبا نعرہ بازی کی تھی۔
