crossorigin="anonymous"> معاہدہ توڑنے پر آئی ایم ایف نے ہمیں آڑے ہاتھوں لیا اور ناک سے لکیریں نکلوائیں۔ شہباز شریف - societynewspk

معاہدہ توڑنے پر آئی ایم ایف نے ہمیں آڑے ہاتھوں لیا اور ناک سے لکیریں نکلوائیں۔ شہباز شریف

 معاہدہ توڑنے پر آئی ایم ایف نے ہمیں آڑے ہاتھوں لیا اور ناک سے لکیریں نکلوائیں۔ شہباز شریف

اسلام آباد (سوسائٹی نیوز)

وزیراعظم شہباز شریف کا کہنا ہے کہ آئی ایم ایف کے ساتھ معاہدے کی دھجیاں بکھیری گئیں تھیں اسی لیے آئی ایم ایف نے ہمیں آڑے ہاتھوں لیا اور ناک سے لکیریں نکلوائیں۔

اسلام آباد میں وکلا کنونشن سے خطاب کرتے ہوئے وزیراعظم شہباز شریف نے کہا کہ 11 اپریل 2022 کو ذمہ دار سنبھالی اور حلف لیا ہم ڈیڑھ ماہ سے پریشان تھے کہ قیمت بڑھائیں یا نہیں بڑھائیں ماضی میں آئی ایم ایف کیساتھ معاہدےکی پاسداری نہیں کی گئی تھی انہوں نے کہا آپ نے شرائط کو نہیں مانا تو پروگرام رک جائے گا۔

وزیراعظم نے کہا کہ پاکستان تقریبا معاشی دیوالیے کے دہانے پر پہنچ چکا تھا مخلوط حکومت نے پاکستان کو دیوالیہ ہونے سے بچایا ہے۔

انہوں نے کہا کہ بلوچستان میں پینے کا پانی ایک چیلنج بن گیا ہے آج شام سکھر کے راستے 2 ٹرک پانی کے بلوچستان پہنچیں گے اور اگلے 48 گھنٹے میں 10 ٹن پانی بلوچستان پہنچایا جائے گا۔

شہباز شریف کا کہنا تھا کہ سیلاب زدگان کی زندگی اجیرن ہوگئی دو وقت روٹی کے لالے پڑے ہیں وہاں ایک خیمے میں ایک رات پہلے ایک خاتون نے بچے کوجنم دیا ہے۔

وزیراعظم کا کہنا تھا کہ چار دن پہلے انتونیو گوتریس کے ساتھ سیلاب زدہ علاقوں کا دورہ کیا ہم نے دیکھا کہ سیلاب متاثرین پر زندگی تنگ ہوگئی ہے۔

انہوں نے کہا کہ آج بھی ہم غربت، بےروزگاری کے خلاف جنگ لڑرہے ہیں جبکہ ہندوستان ایک زمانے میں لوہے کے میدان میں آگے تھا تو ہم ٹیکسٹائل میں آگے تھے لیکن آج وہ آسمانوں سے باتیں کررہے ہیں آج ان کی ایکسپورٹ کہیں سے کہیں پہنچ گئی ہے ہم وہیں کھڑے ہیں۔

مکمل پڑھیں

Leave a Reply

Your email address will not be published.

Back to top button